Inauguración «Unha imaxe e mil palabras», Facultade de Filoloxía, xoves día 29 de setembro ás 12.00 horas.
É un pracer poder convidarvos á inauguración da exposición de carteis “Unha imaxe e mil palabras”, inscrita na sección de exposicións temporais do programa Contornos, de atención a ámbitos externos relacionados coa cultura e a sociedade.
A mostra é un exemplo da importancia de utilizar o discurso visual para comunicármonos de xeito máis efectivo. Supón o primeiro proxecto expositivo de Jorge Rodríguez Durán como artista gráfico e deseñador.
A mostra, que será inaugurada o vindeiro xoves, día 29 de setembro, ás 12.00 no segundo andar da Facultade de Filoloxía, poderá visitarse no primeiro e segundo andar da facultade entre os días 29 de setembro e 30 de novembro de 2022.
Agardamos a vosa presenza.
Recibide un saúdo cordial,
O Equipo Decanal (Facultade de Filoloxía, USC)
Folleto: Unha imaxe e mil palabras